Erməni deputat Paşinyanı ifşa etdi | "Tarixi Ermənistan" yalanları üzə çıxdı

Paşinyan real və tarixi Ermənistan mövzusundan tez-rez danışır.

Bu sözləri Ermənistan parlamentinin “Hayastan” fraksiyasının deputatı Geqam Manukyan deyib.

O bildirib ki, Paşinyan indi “Real Ermənistan” konsepsiyasını irəli sürsə də, əslində özü daim “tarixi Ermənistan”la bağlı fikirlər səsləndirib:

“Mən başa düşmək istəyirəm ki, əgər “tarixi Ermənistan” bu qədər qəbuledilməzdirsə, 2020-ci ilin fevralında Münhendə Əliyevlə debat zamanı Böyük Tiqranın hakimiyyətini niyə xatırlatdınız?

Əgər “tarixi Ermənistan” bu qədər pisdirsə, Ağrı dağından danışanda düşünmədinmi ki, bu da “tarixi Ermənistan”dır? Əsl Ermənistan təkcə Kirantsdırsa, onun da bir hissəsini itirmişik”.

Qeyd edək ki, 2020-ci il fevralın 15-də Münhen Təhlükəsizlik Konfransı çərçivəsində Azərbaycan Prezidenti İlham Əliyevlə Ermənistan Baş naziri Nikol Paşinyanın debatı keçirilib. Debat zamanı Paşinyan “Böyük Tiqran”dan danışmış və absurd “tarixi torpaqlar” məzmunlu fikirlər səsləndirmişdi.