Erməni etirazçılar Paşinyanla üz-üzə | Delimitasiya prosesi davam edir

Azərbaycanla Ermənistan arasında sərhədin Qazax istiqamətində delimitasiya prosesi davam edir.

Erməni mediasında yer alan məlumata görə, artıq Kirants istiqamətində hərəkətlilik müşahidə olunur.

Qeyd olunub ki, adıçəkilən ərazi yaxınlığında yerləşən körpünün minalardan təmizlənməsi işlərinə start verilib.

Xatırladaq ki, bundan əvvəl Ermənistan tərəfi Voskepar istiqamətində Müqəddəs Məryəm kilsəsinə bitişik ərazilərin minalardan təmizlənməsini həyata keçirib.

Bu arada Ermənistanın Şirak vilayətində etirazçılar İrəvan-Gümrü yolunu bağlayıblar. Onlar Baş nazir Nikol Paşinyanın əleyhinə şüarlar səsləndiriblər.

Bu barədə məlumatı ölkə parlamentinin deputatı Kristin Vardanyan yayıb. Onun sözlərinə görə, bağlanan yol Ermənistan-Gürcüstan dövlətlərarası avtomobil yolunun bir hissəsidir.

Xəbərdə o da bildirilib ki, hüquq-mühafizə orqanlarının əməkdaşları sakinlərdən yolu açmaqlarını, hərəkəti təmin etməklərini istəyib.