Erməni politoloqun Azərbaycan qorxusu: Paşinyana od püskürdü

“Paşinyan 8 məşhur kəndin qaytarılmasından danışanda çoxları bunun hansı təhlükələr yaratdığını dərk etmir”.

Bu sözləri Ermənistan parlamentinin “Şərəfim var” fraksiyasının katibi Tiqran Abramyan Qazaxın 7, Naxçıvanın 1 kəndinin geri qaytarılması haqda qeyd edib.

O bildirib ki, kəndlərin qaytarılmasının “heç bir rasional mülahizəyə sığmaması” ilə yanaşı, başqa mühüm nüanslar da var:

“Birincisi, Azərbaycanın tələbləri qarşılıqlı razılaşmaları deyil, Ermənistana birtərəfli güzəştləri nəzərdə tutur. İkincisi, Azərbaycanın nəzarətində olan ərazilər var, lakin Azərbaycan onları təslim və mübadilə üçün hazırlamır. Üçüncüsü, Azərbaycanın məqsədi “8 erməni kəndi”nə nəzarət etmək deyil, Ermənistanın strateji kommunikasiyalarına nəzarət etmək və ölkəmizin həyat qabiliyyətini sıradan çıxarmaqdır. Çətir altında fəaliyyət göstərən hakimiyyət “Sülh naminə” şüarı ilə bu ərazilərin təslim edilməsini təbliğ edərkən, Azərbaycan yeni ərazi və regional iddialar irəli sürür”.