Ermənilərin gözündən düşmək üçün hər yola əl atan Nikolun yeni hobbisi

Son dövlər Ermənistan Baş nazirinin yeni hobbisi ortaya çıxıb. O, sosial şəbəkələrdə canlı yayımlar açaraq sanki bloger kimi fəaliyyət göstərir.

Paşinyanın bütün mətbuat orqanlarına çıxışı var və istənilən fikrini peşəkar yayım vasitəsilə çatdıra bilər. Lakin o, qeyri-ciddi videolarla gündəmə gəlməklə ucuz PR-dan istifadə edir. Bu isə Ermənistan cəmiyyətində birmənalı qarşılanmır.

Baş nazirin məzəli videoları sosial şəbəkə istifadəçilərinin də tənqid hədəfinə çevrilir. Ermənilər onun qeyri-ciddi rəhbər imici yaratdığını deyirlər. Çünki ölkədə mövcud olan sosial problemlər və narazılıq fonunda hökumət başçısının bu cür davranışları ictimaiyyətdə qıcıq doğurur.

Müharibədən məğlub çıxan, bütün beynəlxalq platformalarda Prezident İlham Əliyev qarşısında aciz qalan Paşinyan yaratmaq istədiyi müasir rəhbər imicininə də nail ola bilmir. Onun bir müddət əvvəl məmurları işdən çıxarması ilə bağlı qərarını “WhatsApp” vasitəsilə bildirməsi də müzakirə mövzusu olmuşdu.