Ermənistan çətin vəziyyətə düşəcək | Rusiyalı politoloq Zəngəzur dəhlizindən danışdı

“Hazırda konfiqurasiya dəyişir, Bayden Ağ Evi tərk etməyə hazırlaşır və bu, həm də Avropa və ABŞ-nin Cənubi Qafqaz siyasətində qeyri-müəyyənlik deməkdir”.

Bu sözləri rusiyalı politoloq Andrey Areşev erməni mediasına geniş müsahibəsində deyib.

O bildirib ki, Azərbaycan və Ermənistan arasında Qərb vasitəçi ola bilməz, çünki bu, Azərbaycanın qırmızı xəttinə çevrilib:

“Ermənistan da Rusiyanın vasitəçiliyinə razı olmaya bilər ki, bu da birbaşa “şahidlər olmadan” danışıqlar aparmaq istəyən Azərbaycanın maraqlarına uyğun olacaq. Bununla belə, indiki məqamda hesab edirəm ki, Azərbaycan hər iki variantı nəzərdən keçirir: birbaşa danışıqlar və ya Rusiyanın vasitəçiliyi. Bu, o deməkdir ki, 9/10 noyabr bəyanatının tam şəkildə həyata keçirilməsi zərurəti müzakirə olunacaq”.

A.Areşevin fikrincə, İrəvan-Bakı münasibətlərindəki hazırkı ab-hava müsbət deyil: “Məncə, gələn il başlayacaq danışıqlar kifayət qədər çətin olacaq. Düşünürəm ki, Qərbin Ermənistana diqqəti xeyli zəifləyəcək və bunun öz nəticələri olacaq. Xarici siyasət baxımından İrəvan kifayət qədər çətin vəziyyətə düşə bilər”.