Ermənistan Prezidentinin çıxışı cavabsız qalmadı

“Ermənistan rəhbərliyinin son günlərdə Azərbaycana qarşı artan təcavüzkar ritorikasını qətiyyətlə pisləyirik”.

Bunu Xarici İşlər Nazirliyinin sözçüsü Ayxan Hacızadə Ermənistan Prezidenti Vaaqn Xaçaturyanın martın 23-də İtaliyanın “La Repubblica” qəzetinə verdiyi müsahibəsində Azərbaycana qarşı səsləndirdiyi növbəti əsassız iddiaları şərh edərkən deyib.

A.Hacızadə qeyd edib ki, Azərbaycanla Ermənistan arasında sülh gündəliyinin irəliləməsi istiqamətində artan beynəlxalq səyləri heçə sayan bu kimi bəyanatlar bölgədə vəziyyətin qəsdən gərginləşdirilməsinə xidmət edir.