Ermənistan prezidentinin Zəngəzur səfərinin əsas məqsədi

İşi-gücü ancaq təbrik mesajları, başsağlığı teleqramları göndərməkdən ibarət olan Ermənistan Prezidenti Vaaqn Xaçatryan nədənsə qəfildən ölkə daxili məsələlərlə maraqlanmaq qərarına gəlib.

O, bu məqsədlə Zəngəzura (Sünik) üç günlük səfər planlaşdırır. Bu barədə “Hraparak” yazır.

Nəşr qeyd edib ki, mənbələrimizin dediyinə görə, o, regionun bütün əsas icmalarına baş çəkəcək, regional hakimiyyət nümayəndələri və icma liderləri ilə görüşəcək.

Region rəhbərliyinə bildirilib ki, Prezident Zəngəzurun problemləri ilə tanış olmaq istəyir. Bununla belə, ölkənin siyasi rəhbərliyinin Zəngəzurla bağlı fəallığı son vaxtlar əhali arasında gərginliyə səbəb olub.

Bəziləri isə geosiyasi mərkəzlərin diqqətinə düşən Zəngəzurda mühüm hadisələrin gözlənilə biləcəyini istisna etmir və bu cür diqqətin əsas səbəbini bununla izah edir.

Xatırladaq ki, ötən şənbə günü Nikol Paşinyan da Zəngəzurda olub və hərbçilərlə görüşüb.

Maraqlıdır ki, V.Xaçatryan 2 il əvvəl – 2021-ci ildə yenidən N.Paşinyanın səfərindən dərhal sonra Zəngəzurə gəlmişdi.