Ermənistan seçim qarşısında | Paşinyandan sülh sazişi ilə bağlı vacib açıqlama

“Ermənistan Azərbaycanla sülh sazişi imzalamağa və ATƏT-in Minsk qrupunu ləğv etməyə hazırdır”.

Bu barədə Ermənistanın Baş naziri Nikol Paşinyan parlamentdə çıxışı zamanı bildirib.

“Biz Azərbaycanın ATƏT-in Minsk qrupunun ləğv edilməsi ilə bağlı irəli sürdüyü təklifi başa düşürük. Doğrudan da, əgər biz münaqişə ilə bağlı səhifəni bağlayırıqsa, bu zaman onun həlli ilə məşğul olan format nəyə lazımdır? Biz sülh sazişinin bağlanmasını və eyni zamanda ATƏT-in Minsk qrupunun buraxılmasını, yəni hər iki sənədin eyni gündə imzalanması təklif edirik”, – deyə o qeyd edib.

N.Paşinyanın fikrincə, Ermənistanın sülh və münaqişə arasında seçim etmək zərurəti olacaq. Əsas məsələ isə sülh sazişinin Ermənistan Konstitusiyasına uyğun gəlib-gəlmədiyidir.

Qeyd edək ki, Ermənistan Konstitusiyasında edilməli olan dəyişikliklər ərazi iddiaları ilə bağlıdır.