Ermənistan XİN-dən Azərbaycanla bağlı mühüm açıqlama

“Azərbaycanla Ermənistan arasında nəqliyyat əlaqəsinin təhlükəsizliyinin təmin olunmasının özəl mühafizə şirkətinə verilməsi istisna edilmir”.

Bunu Ermənistan xarici işlər nazirinin müavini Mnatsakan Safaryan bildirib.

O bu haqda parlamentdə jurnalistlərə Baş nazir Nikol Paşinyanın avqustun 31-də məsələ ilə bağlı açıqlamasını şərh edərkən deyib. Nazir müavini bunun Ermənistanın suverenliyini pozmadığını bildirib.

Qeyd edək ki, Nikol Paşinyan kommunikasiya xəttinin mühafizəsini özəl təhlükəsizlik agentlərinə həvalə edilə biləcəyinin mümkünlüyünü açıqlayıb.