Ermənistan XİN məlumat yaydı

Ermənistan xarici işlər naziri Ararat Mirzoyan Marçin Vidranın rəhbərlik etdiyi Avropa İttifaqının texniki qiymətləndirmə qrupunun üzvlərini qəbul edib.

Bu barədə Ermənistan Xarici İşlər Nazirliyi məlumat yayıb. Bildirilib ki, tərəflər Ermənistan-Azərbaycan sərhədində Aİ-nin yeni mülki missiyasının yerləşdirilməsi məsələsini, eləcə də dekabrın 19-da fəaliyyəti başa çatan Aİ müşahidəçi missiyasının işini müzakirə ediblər.

Məlumata görə, Marçin Vidranın rəhbərlik etdiyi qrup yeni mülki missiyanın sərhəddə yerləşdirilməsi imkanlarını nəzərdən keçirmək üçün bir neçə gün Ermənistanda olacaq.