Flippin nümayəndələrindən sərt etiraz | Bizə milyonlar yox, trilyonlar lazımdır…

“Maliyyənin 250 milyard dollar olduğunu görmək biabırçılıqdır”.

Bunu Filippin nümayəndə heyətinin sədri Mariya Teresa Lauron deyib.

O bildirib ki, Qlobal Cənub üçün bu məbləğ qəbul edilə bilməz:

“Biz iqlim böhranının ağır yükünü daşıyırıq. Bizə milyonlar yox trilyonlar lazımdır. İqlim böhranını həll etmək üçün çox maliyyə tələb olunur. Qlobal Şimal bunu təşkil və təmin etməlidir. Ümid edirik ki, Avropa Birliyi və digərləri kimi, Şimal ölkələri də fəalların masaya pul qoymaq çağırışlarını eşidəcəklər.

ABŞ və digərləri – iqlim cinayətkarlarına görə məsuliyyət daşıyan bütün bu zəngin ölkələr masaya pul qoyacaqlar. Biz ümid edirik ki, onlar fəryad səsimizi eşidəcəklər. Bu, xeyriyyə deyil, insanların həyat və dolanışıq haqqıdır. İnkişaf etmiş ölkələr çıxışlarında deyirlər ki, 3 trilyon dollar lazımdır, amma bizə hər il 250 milyard dollar pul verməyi vəd edirlər. Hər il üçün 5 trilyon dollar pul ayrılmalıdır”.