Fordo dağındakı nüvə bazası GBU-57 ilə havaya uçurula bilər - HƏRBİ XRONİKA

Amerikalı hərbi ekspert Con Spenser İranın yeraltı Fordo nüvə obyektinin məhv edilməsinin İsrail üçün kritik məsələ olduğunu bildirib.

Onun sözlərinə görə, bu məqsəd üçün yalnız ABŞ Ordusunun arsenalında olan 13,6 tonluq “GBU-57” bunker bombası və onu daşıya bilən “B-2 Spirit” strateji bombardmançısı effektiv ola bilər.

“GBU-57” 60 metr dərinlikdəki möhkəmləndirilmiş obyektləri məhv etmək üçün hazırlanıb və yalnız “B-2” təyyarəsi ilə daşına bilir. İsrail bu bombaya malik olmadığından alternativ olaraq xüsusi təyinatlı qüvvələrdən istifadə edə bilər. Lakin bu metod həm riskli, həm də daha az effektli hesab olunur.

Hazırda ABŞ bu silahı heç bir müttəfiqlə, o cümlədən İsraillə paylaşmayıb.

Bəs Fordo bazasına zərbə endirmək üçün yeganə real imkan yalnız ABŞ-nin əlindədirmi?