Fransalı generalı Azərbaycanla sərhədə gətirən səbəb

Fransa Milli Jandarmeriyasının briqada generalı Uilyam De Meyer Avropa İttifaqının Ermənistandakı mülki missiyasının yerləşdiyi əraziyə baş çəkib.

Bu barədə Aİ-nin Ermənistandakı mülki missiyası məlumat yayıb.

Uilyam De Meyer Ermənistan-Azərbaycan sərhədindəki vəziyyətlə tanış olub.  Fransız generalın Ermənistana səfəri rəsmi Parisin Cənubi Qafqazda militarizasiya siyasətinin açıq göstəricisidir.

Hazırda Fransanın Ermənistanı silahlandırması, bu ölkədəki missiyanın gücləndirilməsi, fransız instruktorların Ermənistan Ordusundakı fəaliyyəti və son səfər onu deməyə əsas verir ki, Azərbaycan Ermənistanla sərhədlərini daha da gücləndirməli və hər cür təxribata hazır olmalıdır.

Bütün bunlar göstərir ki, Fransa Ermənistanı revanşa hazırlayır. Məqsəd Azərbaycana hücum edib, lokal əməliyyat keçirib ən azından bir parça torpaq almaqdır.

Bu problemdən təkcə Azərbaycan deyil, həm də tədricən nəzarəti itirən, Ermənistanda hərbi bazası olan Rusiya, Ermənistanla həmsərhəd olan İran narahat olmalıdır. Qərb Ermənistan vasitəsilə Azərbaycan, Rusiya, İran və Türkiyəyə qarşı kəşfiyyat plasdarmı hazırlayır. Fransa taktiki olaraq Ermənistanı regionun Livanına çevirir.