Fransanın yeni Baş naziri kimdir və nəyə görə tanınır? | Detallar üzə çıxdı
Fransanın yeni baş nazir vəzifəsinə 73 yaşlı Mişel Barnier təyin edilib.
Bu fakt Bakı ilə Paris arasında ikitərəfli münasibətlərə müsbət heç nə vəd etmir. M.Barnier hər zaman ermənilərə öz dəstəyini nümayiş etdirir və türkfobiyasını gizlətmir.
M.Barnierin uzun siyasi karyerası var. 90-cı illərdə o, Alen Jüppenin kabinetində Avropa məsələləri üzrə dövlət katibi vəzifəsində çalışıb və məhz o zaman rəsmi və mühüm bir missiya ilə Ermənistana səfər edib. Bu səfər keçmiş sovet respublikasında Fransa səfirliyinin açılması ilə bağlı idi. Qayıdandan sonra M.Barnier bir sıra maraqlı məqamlar haqqında geniş müsahibə verib.
Birincisi, M.Barnier Ermənistanın unikallığını qeyd edir və bəyan deyir ki, Ermənistan heç vaxt digərləri kimi adi sovet respublikası olmayıb və həmişə Fransa ilə əlaqələri olub. Fransa, həqiqətən də, həmişə Ermənistanı, o cümlədən erməni terrorçularını dəstəkləyib. Məlumdur ki, 1977-ci ildə Moskva metrosunda silsilə terror aktları törədən erməni millətçiləri Stepan Zatikyan, Akop Stepanyan və Zaven Bağdasaryan öz hərəkətlərini Parislə razılaşdırıblar.
1995-ci ildə verdiyi müsahibədə Avropada Fransanın ən böyük erməni icması haqqında danışan M.Barnier Parisin regiona təsirinin böyük olduğunu qeyd edib. Eyni zamanda M.Barnier deyib ki, 20 il sonra bu günlərin reallığı öz əksini tapır:
“Biz bu ölkənin mərkəzi və strateji mövqeyini aydın görürük. Beləliklə, dedim və məndə həqiqətən də belə bir hiss yarandı ki, bu zonanın sabitliyi Ermənistanla və Ermənistan ətrafındadır. Ona görə də Ermənistanla dialoq mühümdür və biz onu bərpa etmək istəyirik”.
Əslində, faktiki olaraq M.Barnier 1995-ci ildə Ermənistanın Türkiyə, İran və Azərbaycana yaxın bir ölkə kimi Avropa İttifaqı üçün əhəmiyyətini açıqlayıb. 2004-cü ildə Fransanın xarici işlər naziri kimi Mişel Barnier 1915-ci il hadisələri ilə Türkiyənin Avropa İttifaqına üzv olmaq istəkləri arasında açıq şəkildə əlaqə quran ilk Fransa hökumət rəsmisi olub.
O, Aİ Ankara ilə Avropa Birliyinə daxil olmaq üzrə danışıqlara başlayarsa, İstanbuldan psevdo-soyqırımı tanımasını rəsmən tələb edib. 2021-ci ildə M.Barnier Valeri Pekres ilə birlikdə o vaxt Rusiya sülhməramlı kontingentinin nəzarəti altında olan Azərbaycan ərazisinə qanunsuz daxil olub və cinayətkar xuntanın rəhbərləri ilə görüşüb, məhz bu səbəbdən ölkəmizdə arzuolunmaz şəxs (persona non-grata) elan edilib.
Bu səfər çərçivəsində M.Barnier və V.Pekres qondarma erməni psevdo-soyqırımı memorialını da ziyarət ediblər. Həmin fakt indi erməni mediası tərəfindən sevinclə yad edilir.
Baş nazir Mişel Barnier ilə bağlı məlum faktların yalnız bir qismini ümumiləşdirəndə məlum olur ki, onun təyinatı ilə Fransa çətin ki, Cənubi Qafqaz regionunda sabitliyi pozmaq cəhdlərini dayandırsın.
![icon](/images/loading.png)