Siyasət
Pleyeri seçin:
Heç bir qüvvə bu iradənin qabağında dayana bilməz | İlham Əliyev
“İşğal dövründə çoxsaylı xarici nümayəndələrlə görüşlər əsnasında “reallıqlarla barışmaq lazımdır, Qarabağ artıq əldən gedib, Ermənistanla barışmaq, gənc nəsli sülhə hazırlamaq lazımdır, bu münaqişənin hərbi həlli yoxdur” və digər fikirlər səsləndirilirdi”.
Bu sözləri Prezident İlham Əliyev Azərbaycan aşıq sənətinin görkəmli nümayəndəsi Aşıq Ələsgərin abidəsinin açılış mərasimindəki çıxışında söyləyib.
“Bəzi hallarda bu fikirləri səsləndirənlər bəlkə də səmimi idilər, bəzi hallarda bizi yolumuzdan döndərmək, bunu bizə bədbinlik duyğuları aşılamaq üçün edirdilər. Həyat və reallıq onu göstərir ki, hər şey bizim əlimizdədir. Həm İkinci Qarabağ müharibəsi, həm antiterror əməliyyatı və ondan sonrakı dövr, yəni bir il göstərdi ki, güclü iradə olan yerdə, xalq-iqtidar birliyi olan yerdə, xalqımızın əyilməz ruhu olan yerdə heç bir qüvvə, heç bir təşkilat bu iradənin qabağında dura bilməz”, – deyə dövlət başçısı əlavə edib.
Kopyalandı
Seçilmişlər
