Siyasət
Pleyeri seçin:
Hərbçimiz Ruslanın geri qaytarılması erməniləri qəzəbləndirdi
Azərbaycanlı əsgər Ruslan Pənahovun Ermənistan təhlükəsizlik qüvvələri tərəfindən ölkəmizə qaytarılması qərarı ətrafında gedən söz-söhbət səngimək bilmir.
Vəziyyət o həddə çatıb ki, hətta “Yerkrapah” terror təşkilatının rəhbəri Sasun Mikaelyan belə jurnalistlərin Ruslan Pənahovun qaytarılması barədə ünvanladıqları suala hiddətlənib.
O, “Yerablur” hərbi panteonunda keçirilən brifinq zamanı bildirib ki, saxlanılan azərbaycanlının təhvil verildiyini elan edən Milli Təhlükəsizlik Xidməti üzərinə düşən vəzifələri peşəkarcasına yerinə yetirir.
Əlavə edib ki, jurnalistlər, ümumiyyətlə, özlərinə məxsus olmayan məsələlərə burunlarını soxmamalıdırlar. Onun sözlərinə görə, İrəvan guya xoşməramlılıq jesti olaraq yolunu azaraq Ermənistan ərazisinə keçən hərbçimizi təhvil vermək qərarına gəlib.
Məlumat üçün bildirək ki, Ruslan Pənahova qarşı Ermənistanda “təxribata cəhd” maddəsi ilə cinayət işi açılsa da, martın 4-də ona xitam verilib.
Kopyalandı
Seçilmişlər
