Hərbi qulluqçularla bağlı hansı qərar verilə bilər? | Qüdrət Həsənquliyevdən açıqlama

Milli Məclisin qanunvericilik işlər planında 3 mühüm qanun layihəsi təqdim olunacaq. Bunlardan biri də “Hərbi qulluqçuların statusu haqqında” qanun layihəsidir. Hesab edirəm ki, bu qanun layihəsi hazırlanarkən həm də “Silahlı Qüvvələr haqqında” Qanuna və “Hərbi xidmətkeçmə haqqında” Əsasnaməyə diqqət yetirilməlidir.

Bunu deputat Qüdrət Həsənquliyev Milli Məclisin fevralın 3-də keçirilən plenar iclasında deyib.

Deputat bildirib ki, qanunlara dəyişiklik edəndə anlaşılmazlıqlar olmasın deyə hərbçilərlə müqavilə imzalanması məsələsi nəzərə alınmalıdır:

“Yəni hərbçi hərb peşəsini seçəndə bilməlidir ki, ona 20 il xidmətdən sonra mənzil veriləcək, həyatını itirsə, ailəsi hansı sığorta pulunu alacaq, əməkhaqqısı necə indeksləşdiriləcək. Ona görə onlarla əmək müqaviləsinin bağlanması məsələsini qanunvericiliyə gətirsək, bu məsələlər öz həllini tapar”.