Hikmət Hacıyev Mehriban Əliyevanın Vatikan səfəri ilə bağlı paylaşım etdi
Prezidentin köməkçisi Hikmət Hacıyev Birinci vitse-prezidenti Mehriban Əliyevanın Vatikan səfəri barədə “X” hesabında paylaşım edib.
Hikmət Hacıyev Mehriban Əliyevanın səmərəli görüşlərinin, o cümlədən Roma Papası 14-cü Leo ilə görüşünün Azərbaycanın dinlərarası anlaşma və mədəniyyətlərarası dialoqa sadiqliyini nümayiş etdirdiyini bildirib.
Onun sözlərinə görə, Azərbaycanın katolik xristian irsinin bərpasına verdiyi dəstək və bu sahədə uzunmüddətli əməkdaşlığı ölkənin tolerantlıq və qarşılıqlı hörmət prinsiplərinə sadiqliyini təsdiqləyir.
Hikmət Hacıyev qeyd edib ki, müsəlman əhalinin çoxluq təşkil etdiyi, eyni zamanda xristian, yəhudi və digər dinlərin nümayəndələrinin dinc yanaşı yaşadığı dünyəvi Azərbaycan bu gün inklüzivlik, dözümlülük və multikultural harmoniyanın parlaq nümunəsidir.
O əlavə edib ki, qadınların gücləndirilməsi və bərabər imkanların təminində mühüm təcrübəyə malik Azərbaycan Cənubi Qafqazı sülh və sabitlik məkanına çevirərək, qlobal miqyasda sülh, dialoq və əməkdaşlığa əsaslanan müsbət gündəliyi irəli aparır.
#Hikmət Hacıyev teqi istifadə olunub
- Hikmət Hacıyevin Ermənistana səfəri "Haber Global"ın gündəmində | Nələr müzakirə edildi? - Baku TV
- Ermənistanda vacib görüş | Nələr müzakirə edildi? - Baku TV
- “BakıKart”ın qiyməti artır | Moskvadan sərt çıxış | Zelenskinin gizli mesajları - YENİ BİR SƏHƏR
- Mina qurbanlarının rəsmi sayı açıqlandı | Ağır mirasın fəsadları nə vaxt tam bitəcək? - Baku TV
- Hikmət Hacıyev WUF13-ü işıqlandıran media nümayəndələrinə təşəkkür etdi - Baku TV
