Hindistanın Azərbaycana veto qoymasına Pakistandan cavab | “Zəngəzur davası”nın pərdəarxası

“Ermənistan və Azərbaycan arasında Zəngəzur dəhlizi üzrə razılaşmaların Şanxay Əməkdaşlıq Təşkilatına (ŞƏT) heç bir aidiyyəti yoxdur”.

Bunu rusiyalı politoloq Nikolay Silayev “Lenta.ru”ya deyib.

Ekspert Hindistanın Azərbaycanın, Pakistanın Ermənistanın ŞƏT-ə üzvlüyünü bloklamasının Zəngəzur dəhlizi ilkə bağlı olub-olmamasını belə dəyərləndirib:

“Birincisi, onların müqavilələrinin ŞƏT-ə heç bir aidiyyəti yoxdur. İkincisi, Zəngəzur dəhlizinin qarşısındakı maneə ondan ibarətdir ki, onun işə düşməsi üçün Ermənistanın qanunvericiliyində dəyişiklik edilməlidir. Çox ciddi dəyişiklikdən söhbət gedir”.

Politoloq Nikolay Topornin də həmkarı kimi düşünür:

“Əlbəttə, Zəngəzur dəhlizi vacibdir. Tərəflər uzun illər davam edən danışıqlardan sonra sülh razılaşmasına gəliblər. Hələ diplomatik məsələlər qalır. Baxmayaraq ki, hələ də həllini gözləyən bir sıra sərhəd məsələləri də mövcuddur.

Ola bilsin, yüklərin daşınması üçün dəhlizdən istifadə etmək olar. Bu, ŞƏT-ə üzv dövlətlər üçün də maraqlı ola bilər. Amma açığını desəm, onlar üçün Zəngəzur dəhlizi çox uzaq mövzudur.

Praktiki baxımdan bunun o qədər də təsiri yoxdur. Yalnız uzunmüddətli perspektivdə Zəngəzur dəhlizindən keçən böyük tranzit yük axınından danışmaq olar. Bu axın başlayanda qarşılıqlı iqtisadi əlaqələr yaranacaq və həm Ermənistan, həm də Azərbaycan bunda maraqlı olacaq. Amma indiki mərhələdə Ermənistan və Azərbaycan arasında fundamental qarşılıqlı fəaliyyətin qurulması zərurətindən danışmaq lazımdır”.