İlham Əliyev Ulu Öndərin xatirəsinin əbədiləşdirilməsinə görə təşəkkür etdi

“Heydər Əliyev amili Rusiya və Azərbaycanın dövlətlərarası münasibətlərində həmişə mühüm rol oynayıb və oynayacaq”.

Bunu Azərbaycan Prezidenti İlham Əliyev Rusiya Prezidenti Vladimir Putinlə birlikdə Baykal-Amur magistralının 50 illik yubileyi münasibətilə dəmir yolu sahəsinin veteranları və işçiləri ilə birgə görüşündə deyib.

Heydər Əliyevin xatirəsinin əbədiləşdirilməsinə görə BAM inşaatçılarına təşəkkür edən dövlət başçısı Anqoya qəsəbəsindəki vağzala ulu öndər Heydər Əliyevin adının verilməsini xatırladıb.

“BAM inşaatçıları yaxşı bilirlər ki, o, praktiki olaraq piyada, qatarla, vertolyotla çətin şəraitdə Bratskdan Vladivostoka, Naxodkaya qədər uzun məsafə qət edib, 10 gün ərzində sevinc və kədərini BAM inşaatçıları ilə bölüşüb”, – deyə Prezident İlham Əliyev əlavə edib.