İlham Əliyev və Baş nazir İrakli Kobaxidze mətbuata bəyanatlarla çıxış ediblər

Yanvarın 17-də Prezident İlham Əliyevin ölkəmizdə işgüzar səfərdə olan Gürcüstanın Baş naziri İrakli Kobaxidze ilə təkbətək görüşü keçirilib.

Daha sonra Prezident və Baş nazir mətbuata bəyanatlarla çıxış ediblər.

Prezident İlham Əliyev iki ölkə arasındakı əməkdaşlığın əhəmiyyətindən, həyata keçirilən layihələrdən, ölkələrimiz arasında paralel aparılan tərəfdaşlıq fəaliyyətlərindən danışıb.

Eləcə də Gürcüstanın Baş naziri öz bəyanatında qonaqpərvərliyinə görə dövlət başçısına təşəkkür edib.

Azərbaycan və Gürcüstan arasındakı münasibətlərin iqtisadi aspektinin vacibliyini vurğulayan İrakli Kobaxidze Azərbaycanın Gürcüstanın beş əsas ticarət tərəfdaşı sırasında olduğunu bildirib. O qeyd edib ki, siyasi tərəfdaşlığımızı dərinləşdirmək əzmindəyik və Gürcüstan tərəfi bunun üçün səylərini əsirgəməyəcək.

Qeyd edək ki, Prezident İlham Əliyevin Gürcüstanın Baş naziri ilə nahar əsnasında geniş tərkibdə də görüşü baş tutub.