İlham Əliyevin Ermənistana qəbul etdirdiyi həqiqət

Ermənistan Baş naziri gec də olsa, Prezident İlham Əliyevin şərti ilə razılaşdı. Çünki müharibədən sonra Ermənistan hərbi-siyasi rəhbərliyi nizami ordu formalaşdırmaq, onu silahlandırmaq üçün cəhd göstərib, Azərbaycana qarşı təxribatlar həyata keçirsə də, istəyinə nail ola bilmədi və nəhayət Azərbaycan Prezidentinin fikirləri ilə razılaşmağa məcbur oldu. Yəni İlham Əliyevin qətiyyəti və prinsipial mövqeyi N.Paşinyanı yeni geosiyasi reallığı qəbul etməyə məcbur etdi.

Bununla belə, N.Paşinyanın dəfələrlə bir söz dediyinin, sonra isə onun əksini etdiyinin şahid olmuşuq. Yəni ikibaşlı siyasət həyata keçirmək bu ölkənin və onun rəhbərliyinin ənənəsinə çevrilib. Lakin bu dəfə reallıq dəyişib və proseslər rəsmi Bakının diqtəsindən kənar cərəyan edə bilmir. Ona görə də, N.Paşinyan sözünün üstündə durmalı və bu istiqamətdə praktiki addımlar atmalıdır.

Bütün bunlar İlham Əliyevin ardıcıl, düşünülən, qətiyyətli və məntiqli siyasət yürütdüyünün bariz nümunəsidir. Bu reallığı qəbul edən N.Paşinyanın kənar qüvvələrin təsiri ilə yolundan dönməsi heç də yaxşı nəticə vəd etmir. Çünki onlar ilk növbədə erməni xalqına zərər vurmuş olacaqlar.