İlham Əliyevin hədiyyəsi İsxaq Hersoqun iş otağında

İsrail Prezidenti İsxak Hersoq mayın 30-da Azərbaycana rəsmi səfəri zamanı Prezident İlham Əliyev tərəfindən hədiyyə edilən xalçanı öz otaqına yerləşdirib.

Bu barədə İsrailin ingilis dilində nəşr olunan və bütün dünyada geniş oxucu kütləsinə malik “The Jerusalem Post” qəzetində yazıb. Məqalədə qeyd olunub ki, mənəvi əhəmiyyəti böyük olan iri toxunmuş ipək xalça İ.Hersoqun öz şəxsi otağını bəzəyir.

Məqalədə deyilir: “Görüş zamanı Azərbaycan Prezidenti İlham Əliyev İ.Hersoqa dərin təşəkkürünü bildirib, şərəf və ehtiram əlaməti olaraq ona gözəl toxunmuş xalça hədiyyə edib. İsrail Azərbaycanla bir neçə ildir müxtəlif səviyyələrdə sıx əlaqələrə malikdir. Ziyarət edən dövlət başçıları və digər nüfuzlu şəxslər İ.Hersoqla təkbətək görüş zamanı xalçaya tamaşa etmək imkanı əldə edəcəklər”, – deyə məqalədə qeyd olunub.