İrandakı dəyişikliklər dünyaya necə səs salacaq? - Azərbaycanı gözləyən ssenari - Baku TV

İranın daxili siyasi xəritəsinin yenidən cızılması təkcə bu ölkə üçün deyil, bütün dünya, xüsusilə də qonşu Azərbaycan üçün həlledici əhəmiyyət kəsb edir. Baku TV-nin "Siyasət" masasının hazırladığı analitik süjetdə İrandakı dəyişikliklərin Bakı-Tehran münasibətlərində yeni səhifə açacağı və regional liderlik məsələlərini kökündən dəyişəcəyi vurğulanır.

Süjetdə qeyd olunur ki, hazırda aktiv lider kimi fəaliyyət göstərən Donald Tramp administrasiyası Azərbaycanı regionun "sabitlik adası" və İranın gələcək demokratik keçidində mühüm tərəfdaş kimi görür. Trampın "İran artıq təhdid deyil, imkandır" fəlsəfəsi Azərbaycan üçün həm iqtisadi, həm də strateji dividentlər vəd edir. Xüsusilə Zəngəzur dəhlizinin təhlükəsizliyi və bölgədəki erməni revanşizminin qarşısının alınmasında Vaşinqton-Bakı koordinasiyasının artacağı gözlənilir. Ekspertlər hesab edirlər ki, İranda dünyəvi sistemin qurulması Azərbaycanın cənub sərhədlərində onilliklərdir davam edən gərginliyi bitirə və iqtisadi inteqrasiyanı sürətləndirə bilər.

Azərbaycanın mümkün qaçqın dalğasına hazırlığı, Donald Trampın Bakıya verdiyi təhlükəsizlik zəmanətləri və Güney Azərbaycandakı milli hərəkatın perspektivləri barədə bütün təfərrüatları videomaterialımızdan izləyə bilərsiniz.