Pleyeri seçin:
İrandakı səfirliyimizə hücumda həlak olan mühafizəçi Orxanın atası danışdı
Azərbaycanın Tehrandakı səfirliyinə hücum edən Yasin Hüseynzadənin edam olunması ilə bağlı qərar İranın Ali Məhkəməsi tərəfindən təsdiqlənib.
Bu barədə məlumatı İranın məhkəmə sisteminin sözçüsü Əsgər Cahangir açıqlayıb.
O bildirib ki, cinayət işi icra olunması üçün məhkəməyə göndərilib. Zərərçəkənlər edamın icrasını tələb etdiyi halda cinayət işi icra olunması üçün əlaqədar quruma göndəriləcək.
Məhkəmənin bu qərarına səfirliyimizə silahlı hücum zamanı şəhid olan Orxan Əsgərovun atası Rizvan Əsgərovun münasibəti isə belə olub:
“Təqribən bir il yarım əvvəl İran İslam Respublikasının Baş Prokurorluğunun müavini Azərbaycana gəlmişdi. O vaxt İran adından bizə başsağlığı verdilər, istintaqın gedişi ilə tanış etdilər. Orada Baş Prokurorluğun müavini bildirdi ki, İslam qanununa əsasən, valideynlər ölüm hökmü və ya kompensasiya tələb edə bilərlər. Biz birmənalı şəkildə edam cəzası tələb etdik”.
Kopyalandı
#İran teqi istifadə olunub
Seçilmişlər
