İrandan Azərbaycana qarşı növbəti təxribat

İslam pərdəsi altında çadralanan, əslində isə separatçı-terrorçulara havadarlıq edən İranda Azərbaycana qarşı növbəti təxribat əməli qeydə alınıb.

Belə ki, Tehrandakı kilsənin önünə toplaşan ermənilər guya Qarabağdakı ermənilərin blokadada qaldığını, aclıq içində yaşadıqlarını iddia edərək separatçılar üçün dua ediblər. İran hökumətinin xeyir-duası ilə keçirilən nümayişdə Azərbaycana qarşı şüarlar səsləndirilib, çıxışlar edilib.

Aksiyaya toplaşan ermənilər sərsəm şüarlar yazılan plakatlar da qaldırıblar. Etiraz aksiyasına qoşulan İran rəsmiləri də Zəngəzur dəhlizi barədə əsassız iddiaları təkrar ediblər. Ermənilər isə İranın bu dəstəyinə və mövqeyinə görə onlara təşəkkür ediblər.

Nümayiş zamanı bir məqam daha çox diqqəti cəlb edib. Belə ki, aksiya iştirakçılarının arasında kifayət qədər başı açıq qadınlar da gözə dəyir. Maraqlıdır, baş örtüyünə görə yüzlərlə qadının həyatına son qoyan İran hökuməti bu vəziyyətə niyə göz yumur? Olmaya, fars-molla rejimi erməni bacılarına görə öz qanunlarından belə keçməyə hazırdır?