İranın gizli fəaliyyəti üzə çıxdı | Peyk görüntüləri nələri ortaya çıxardı?

“Sky News” televiziyası İran raketlərini Rusiyaya daşıyan gəminin peyk görüntülərini yayımlayıb.

“Port Olya 3” gəmisi Xəzər dənizi üzərindən 225 qısamənzilli ballistik raket daşıyıb. Gəmi Rusiya limanına sentyabrın 4-də gəlib. Təyinat nöqtəsinə çatdıqdan sonra “Fath-360” ballistik raketləri qatarlara yüklənib və Həştərxan vilayətində yerləşən Aşuluk hərbi poliqonuna göndərilib. Bu, Tehranın şimalda fəaliyyətidir.

Cənubda isə İran Hindistan silahlarını ərazisi üzərindən Ermənistana çatdırır. Üstəlik, Fransa silahlarının da öz ərazisindən Ermənistana çatdırılmasına şərait yaradır.

Yeri gəlmişkən İran tərəfi Rusiyaya ballistik raketlərin verilməsi ilə bağlı məlumatları təkzib edir. Amma unudur ki, həmin raketlər istifadə edildiyi halda sübutlar ortaya çıxacaq. Necə ki, həm Şimali Koreyanın artilleriya mərmilərinin, həm İranın pilotsuz uçuş aparatlarının istifadə edilməsi ilə bağlı faktlar ortaya çıxıb.

Digər tərəfdən İranın yük təyyarələrinin Ermənistana Hindistan silahlarını çatdırması da sübut olunub.

Maraqlıdır ki, İran quru, su, hava yolu ilə iki fərqli cəbhədə dayanan ölkələrin silahlandırılmasında iştirak edir?