Siyasət
Pleyeri seçin:
İraq Prezidenti Bakıda: rəsmi qarşılanma mərasimindən görüntülər
Azərbaycana rəsmi səfərə gələn İraq Prezidenti Əbdüllətif Camal Rəşidin noyabrın 20-də rəsmi qarşılanma mərasimi olub.
Hər iki ölkənin Dövlət bayraqlarının dalğalandığı meydanda İraq Prezidentinin şərəfinə fəxri qarovul dəstəsi düzülüb. Prezident İlham Əliyev İraq Prezidenti Əbdüllətif Camal Rəşidi qarşılayıb.
Fəxri qarovul dəstəsinin rəisi İraq Prezidentinə raport verib. Əbdüllətif Camal Rəşid Azərbaycan əsgərlərini salamlayıb. Dövlət başçıları fəxri qarovul dəstəsinin qarşısından keçiblər. İraq və Azərbaycan Dövlət himnləri səsləndirilib.
Azərbaycan nümayəndə heyəti İraq Prezidentinə, İraq nümayəndə heyəti isə Azərbaycan Prezidentinə təqdim olunub. Fəxri qarovul dəstəsi hərbi marşın sədaları altında İlham Əliyevin və Əbdüllətif Camal Rəşidin qarşısından keçib.
Dövlət başçıları rəsmi foto çəkdiriblər.
Kopyalandı
Seçilmişlər
