Pleyeri seçin:
İsxak Hersoqun Bakıda rəsmi qarşılanma mərasimi
Azərbaycana rəsmi səfərə gələn İsrail Prezidenti İsxak Hersoqun mayın 30-da rəsmi qarşılanma mərasimi olub.
Hər iki ölkənin Dövlət bayraqlarının dalğalandığı meydanda İsrail Prezidentinin şərəfinə fəxri qarovul dəstəsi düzülüb. Azərbaycan Prezidenti İlham Əliyev və birinci xanım Mehriban Əliyeva İsrail Prezidenti İsxak Hersoqu və birinci xanım Mixal Hersoqu qarşılayıblar.
Fəxri qarovul dəstəsinin rəisi İsrail Prezidentinə raport verib. Sonra dövlət başçıları fəxri qarovul dəstəsinin qarşısından keçiblər. Daha sonra İsrail və Azərbaycanın Dövlət himnləri səsləndirilib.
Azərbaycan nümayəndə heyətinin üzvləri İsxak Hersoqa və Mixal Hersoqa, İsrail nümayəndə heyəti isə İlham Əliyevə və Mehriban Əliyevaya təqdim olunub. Sonra fəxri qarovul dəstəsi hərbi marşın sədaları altında İlham Əliyevin və İsxak Hersoqun qarşısından keçib. Daha sonra dövlət başçıları rəsmi foto çəkdiriblər.
Kopyalandı
#İsxaq Hersoq teqi istifadə olunub
Seçilmişlər
