Kəndlərin statusu ilə bağlı Paşinyandan diqqətçəkən açıqlama gəlib - Baku TV

“Kərki, Bərxudarlı və Yuxarı Əskipara Ermənistan ərazisinə daxil deyil”.

Ermənistanın Baş naziri Nikol Paşinyan hökumətin iclasından sonra brifinqdə belə deyib.

“İrəvan və Bakı tərəfindən razılaşdırılan delimitasiya prinsipinə əsasən, Kərki, Bərxudarlı və Yuxarı Əskipara Ermənistan ərazisinə daxil deyil. Ermənistan və Azərbaycan delimitasiyanın 1991-ci ilin Almatı Bəyannaməsi və o dövrdə qüvvədə olan xəritələr əsasında həyata keçirilməsi barədə razılığa gəlib. Həmin sənədə əsasən, SSRİ-nin süqutu zamanı keçmiş ittifaq respublikalarının inzibati sərhədləri dövlətlərarası sərhədlər kimi tanınır”, – deyə o qeyd edib.

Ermənistan Baş naziri mövcud xəritələr əsasında Tavuş vilayətinin Kirants kəndi yaxınlığında Ermənistan-Azərbaycan sərhədinin bir hissəsində artıq delimitasiya həyata keçirildiyini vurğulayaraq prosesin gələcəkdə də eyni prinsiplə davam etdirilə biləcəyini deyib.