Komitə sədri: Heydər Əliyev xalqın arzusunu reallığa çevirib

“Heydər Əliyev zamanın xalqımızın qarşısına çıxartdığı bütün çətinlikləri müdrik siyasəti və xalqın gücü ilə dəf etməyi bacarmış, xalqımızın min illik müstəqil dövlətçilik arzusunu xəyaldan reallığa çevirmişdir”.

Bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova I Fəxri Xiyabanda ulu öndər Heydər Əliyevin məzarını ziyarət edərkən jurnalistlərə açıqlamasında deyib.

O qeyd edib ki, bu gün bütün dünya azərbaycanlıları, türk dünyası üçün müqəddəs hüzn günüdür:

“Heydər Əliyevin cismani mənada yanımızda olmadığı vaxtda keçən hər gün elə bir an, elə bir dəqiqə olmayıb ki, o xatırlanmasın, xatirəsi ehtiramla yad olunmasın, Azərbaycana, Azərbaycan xalqına etdiyi xidmətlər minnətdarlıq hissi ilə anılmasın. Çünki Heydər Əliyev bizim ən böyük azərbaycanlımızdır”.