Lavrov Azərbaycan və Ermənistan arasında razılaşdırılmayan 2 məsələdən danışdı

“Biz istər-istəməz nə vaxtsa Rusiyanın indi danışdıqlarına gələcəyik: Cənubi Qafqaz ölkələri bütün problemlərini yaxın qonşuları ilə həll etməlidir”.

Bunu Rusiyanın xarici işlər naziri Sergey Lavrov yanvarın 14-də keçirdiyi mətbuat konfransında bildirib.

“Deyirlər ki, Avropa İttifaqının missiyası Ermənistanın Sünik bölgəsində təhlükəsizliyi təmin edəcək, bu o qədər də anlaşılan deyil. Məhz buna görə də “3+3” Cənubi Qafqaz ölkələri və onların qonşuları mexanizminin yaradılması təşəbbüsü dəstəklənib. Düşünürəm ki, bu daha məhsuldar formatdır”, – deyə Rusiya XİN başçısı vurğulayıb.

S.Lavrov Azərbaycanla Ermənistan arasında sülh sazişindən də danışıb:

“İndi belə görünür ki, Ermənistan və Azərbaycan praktiki olaraq sülh müqaviləsi ilə bağlı razılığa gəliblər və aydındır ki, qalan iki məsələnin üstündən keçmək çətindir. Həll etmək lazımdır: ya hə, ya da yox”.