Mədəniyyət abidəsini təhqir edən Paris terrorçuya heykəl qoydu

Fransanın Marsel şəhərində türk generalı Təlat Paşanın qatili, erməni terrorçu Soqomon Teyleryanın abidəsinin təntənəli açılışı olub.

Türk dövlət xadimi, Osmanlı İmperiyasının daxili işlər naziri Təlat Paşa ermənilərin köçürülməsi haqqında fərman imzaladığı üçün ermənilər tərəfindən qondarma soyqırımın əsas təşkilatçısı hesab olunurdu və Daşnaksütunun "Nemesiz" əməliyyatı çərçivəsində haqqında qiyabi ölüm hökmü verilmişdi.

O, 1921-ci il martın 15-də Berlinin gur küçələrindən birində Soqomon Teyleryan tərəfindən qətlə yetirilib.

Onu da qeyd edək ki, 2017-ci ildə Fransanın 80 min erməninin yaşadığı Marsel şəhərində Soqomon Teyleryanın adına meydan da açılıb.

Halbuki son vaxtlar Fransada ölkəmizə qarşı güclənən anti-Azərbaycan əhvali-ruhiyyəsi nəticəsində Azərbaycan şairi Xurşidbanu Natəvanın Evian-lö Bən şəhərindəki abidəsi təhqir olunub, heykəlin yerləşdiyi parkdan Azərbaycana aid bütün lövhələr yığışdırılıb. Bu isə Fransanın mədəniyyətə, yoxsa terrora daha çox rəğbət bəslədiyini ortaya qoyur.