Media nümayəndələri mükafatlandırıldı | İlham Əliyev sərəncam imzaladı

Prezident İlham Əliyev media nümayəndələrinin təltif edilməsi haqqında Sərəncam imzalayıb.

Sənədə əsasən, Azərbaycanda milli mətbuatın inkişafında xidmətlərinə görə 26 nəfərə “Azərbaycan Respublikası Prezidentinin fəxri diplomu”, 1 nəfərə 1-ci dərəcəli “Əmək” ordeni, 10 nəfərə 3-cü dərəcəli “Əmək” ordeni, 137 nəfərə isə “Tərəqqi” medalı verilib. Həmçinin 26 nəfər “Əməkdar jurnalist” fəxri adı, 3 nəfər isə Prezidentin fərdi təqaüdü ilə mükafatlandırılıb.

Qeyd edək ki, təltif olunanlar arasında “Global Media Group”a daxil olan media strukturlarının, o cümlədən “Baku TV”nin əməkdaşları ‒ “Baku TV” MMC-nin direktoru Ramin Cəfərov, İnformasiya proqramları və Qərbi Azərbaycan departamentinin rəhbəri Turan İbrahimov və Xəbərlər departamentinin məsul redaktoru Azadə Balayeva da var.