Mehriban Əliyeva Müqəddəs Komodilya katakombalarının açılış mərasimində iştirak etdi

Azərbaycanın Birinci vitse-prezidenti Mehriban Əliyeva Müqəddəs Taxt-Taca – Vatikana rəsmi səfəri çərçivəsində mühüm açılış mərasimində iştirak edib. Oktyabrın 16-da Birinci vitse-prezident və ailə üzvləri Heydər Əliyev Fondunun dəstəyi ilə bərpa edilən Müqəddəs Komodilya katakombalarının açılışında olublar. Mərasimdə Vatikanın Müqəddəs Arxeologiya üzrə Pontifik Komissiyasının prezidenti Monsenyor Paskuale Yakobone və sabiq prezidenti kardinal Canfranko Ravazi kimi yüksək vəzifəli şəxslər iştirak edib. Onlar görülən işlərə və səmərəli əməkdaşlığa görə Heydər Əliyev Fonduna dərin təşəkkürlərini bildiriblər. Mehriban Əliyeva çıxışında bunun son 14 ildə Vatikana altıncı səfəri olduğunu və tərəflər arasında dostluq münasibətlərinin artmasından məmnunluğunu ifadə edib.