Millət vəkili hakimləri vicdanlı olmağa çağırdı

“Hakimlik, bəlkə də, yeganə vəzifədir ki, qanunların aliliyi ilə bağlı qərarların qəbulu həm də onun vicdan və ədalətinə buraxılır”.

Bu barədə Milli Məclisin fevralın 24-də keçirilən iclasında deputat Tahir Kərimli bildirib.

“Biz işləyən zaman qərar qəbul etmişdik ki, heç bir hakim məruzə etməyəcək. Deyirdik ki, qanuna uyğun, ədalət və vicdanla məsələni həll etməlisən. Hətta o vaxt ölüm hökmü var idi. "Quran" qoymuşdum otağa. Demişdim ki, kim qanunu pozub rüşvət alacaqsa, and içirəm "Quran"a, ölüm hökmünü onun haqqında özüm çıxaracağam”, – deyə deputat bildirib.