Millət vəkilindən ölkədəki səfirliklərə çağırış

“Ermənistanın mina terroruna xüsusi diqqət çəkilsin”.

Bunu Milli Məclisin iclasında deputat Elşad Mirbəşiroğlu deyib. O bildirib ki, ötən əsrin 90-cı illərindən bu günə qədər 3 300-dən çox vətəndaşımız Ermənistanın mina terrorunun qurbanı olub. Təkcə son bir həftə ərzində 4 vətəndaşımız mina partlaması nəticəsində həlak olub.

Millət vəkilinin sözlərinə görə, Azərbaycanda fəaliyyət göstərən diplomatik korpusun nümayəndələri mina partlaması nəticəsində həlak olanlarla bağlı narahatlıqlarını ifadə etsələr də, bunun Ermənistan tərəfindən törədildiyini səsləndirmirlər. Bu da Ermənistanın özünü cəzasızlıq şəraitində hiss etməsini şərtləndirir.