Mirzoyan Lavrovla görüşdə yenə sərsəmlədi

Moskvada Rusiya və Ermənistan xarici işlər nazirləri arasında keçirilən görüş bu dəfə də Ermənistan tərəfinin sərsəmləməsi ilə yadda qalıb. Xarici işlər naziri Ararat Mirzoyan Azərbaycanı Ermənistan torpaqlarını işğal etməkdə və üçtərəfli bəyanatın bəndlərini yerinə yetirməməkdə ittiham edib.

Təbii ki, 30 il Azərbaycan torpaqlarını işğal altında saxlayan, beynəlxalq təşkilatların çağırışlarına məhəl qoymayan, delimitasiya və demarkasiya prosesinə qarşı çıxan, qanunsuz silahlı birlşmələrini Azərbaycan torpaqlarından çıxarmayan ölkənin işğala məruz qoyduğu ölkəni günahlandırması riyakarlıqdan başqa bir şey deyil.

Görünən odur ki, İrəvan siyasi elitası ənənəsinə sadiq qalaraq bütün tərəfləri yenə də öz yalanlarına inandırmağa çalışır. Halbuki, bu ölkə hələ də üçtərəfli bəyanatın 4,6 və 9-cu bəndlərini bu günə qədər icra etməyib, Qazaxın 7, Naxçıvanın isə 1 kəndini hələ də işğal altında saxlayır.

Üstəlik, müharibənin üzərindən 3 il keçməsinə baxmayaraq, sərhəddə və Qarabağda atəşkəsi pozmaqda davam edir. Yəni Mirzoyanın Azərbaycanı utanmadan ittiham etməsinin heç bir əsası yoxdur və yalnız böhtan xarakteri daşıyır.