Mirzoyan sülh danışıqlarından danışdı | Ərazi bütövlüyümüzü tanımalıyıq

“Ermənistan Azərbaycanla danışıqlar aparmaq üçün siyasi iradəsini saxlayır”.

Bunu Ermənistanın xarici işlər naziri Ararat Mirzoyan Brüsseldə Avropa İttifaqı-Ermənistan Tərəfdaşlıq Şurasının 5-ci iclasından sonra keçirilən mətbuat konfransında deyib.

O bildirib ki, Ermənistan və Azərbaycan 1991-ci il Alma-Ata Bəyannaməsi əsasında bir-birinin ərazi bütövlüyünü tanımalı, regional kommunikasiyaların açılması isə ölkələrin suverenliyi qorunmaqla həyata keçirilməlidir.

Mətbuat konfransında iştirak edən Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel isə bildirib ki, bu günlərdə Ermənistan tərəfinin Azərbaycan hərbçilərinə qarşı atəş açması təəssüf doğurur.

O, Avropa İttifaqının ölkələrin suverenliyi, sərhədlərinin toxunulmazlığı və ərazi bütövlüyünün qarşılıqlı tanınması əsasında uzunmüddətli sülhə sadiqliyini bir daha təsdiqləyib.