Mirzoyandan Türkiyə ilə bağlı açıqlama

“Fasilədən sonra Türkiyə ilə münasibətlərin normallaşdırılması ilə bağlı danışıqları davam etdirməyin vaxtı gəlib çatıb”.

Bunu Ermənistanın xarici işlər naziri Ararat Mirzoyan Vyanada həmkarı Aleksandr Şallenberqlə keçirdiyi brifinqdə deyib.

“Hesab edirəm ki, bu, Türkiyədəki seçki kampaniyası ilə bağlı idi, lakin indi münasibətlərin normallaşdırılması üzrə danışıqları davam etdirməyin vaxtı çatıb. Hər iki tərəf yekun və tam normallaşma yolunda olduğunu göstərmək üçün konkret addımlar ata bilər”, – deyə A.Mirzoyan bildirib.

O, belə mümkün addımlar sırasında diplomatik münasibətlərin qurulmasını və sərhədlərin ilk növbədə 3-cü ölkə vətəndaşları, eləcə də diplomatik pasportlara malik Ermənistan və Türkiyə vətəndaşları üçün açılmasını qeyd edib.

“Bir sıra digər layihələr də müzakirə olunur. Lakin hələlik dialoqun davam etdirilməsi üçün konkret tarixlər yoxdur”, – deyə A.Mirzoyan qeyd edib.