Mişel Əliyev və Paşinyan görüşündən gözləntini açıqladı

"Biz tərəflər arasında müəyyən irəliləyişlər əldə etmişik".

Bunu Avropa İttifaqı Şurasının prezidenti Şarl Mişel Prezident İlham Əliyev və Ermənistanın Baş naziri Nikol Paşinyan arasında Moldovada keçiriləcək görüşlə bağlı sualı cavablandırarkən deyib.

“Biz müəyyən irəliləyiş əldə etmişik və ümid edirəm ki, bu görüşdə iki ölkə arasında münasibətlərin tənzimlənməsinə dair ümumi iradəni təsdiq edəcəyik”, – deyə Şarl Mişel bildirib.

Qeyd edək ki, bu gün Azərbaycan Prezidenti İlham Əliyev və Ermənistanın Baş naziri Nikol Paşinyan Moldovada görüş keçirəcək. Görüşdə Avropa İttifaqı Şurasının sədri Şarl Mişel, Almaniya kansleri Olaf Şolts, Fransa Prezidenti Emmanuel Makron da iştirak edəcək.