Mixaylo Podolyok Bakıda keçiriləcək COP29-dan danışdı | Belə layihələrdə iştirak etmək bizim üçün...

“Azərbaycanın BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına ev sahibliyi dünyanın indiki vəziyyətində çox yaxşı təşəbbüsdür”.

Bunu Ukrayna Prezident Ofisinin müşaviri Mixaylo Podolyak bildirib.

O qeyd edib ki, Azərbaycan regionda lider olmağa hazır olduğunu göstərir:

“Mən həmişə öz regional liderliyini göstərən təşəbbüskar ölkələri bəyənirəm. Necə ki, Türkiyə Qara dənizdə regional lider olmağa hazır olduğunu tez-tez göstərir. Azərbaycan da bunu edir. Bu, çox yaxşı perspektivdir. Xüsusilə də Azərbaycanın enerji trafiki və tranziti ilə bağlı hər şeydə çox mühüm rollar tutmaq və buna uyğun olaraq, bu gün daha qlobal rol oynamaq imkanı var.

Ukrayna ilə Azərbaycan arasında ikitərəfli münasibətlərin, eləcə də Ukrayna ilə Türkiyə arasında ikitərəfli münasibətlərin son dərəcə müsbət istiqamətdə inkişaf edəcəyinə zərrə qədər şübhəm yoxdur.

Bu, Ukraynanın regionla enerji və təsir baxımından, həmçinin digər münasibətlərini maksimum dəqiq qura bilər. Ona görə də bu, çox yaxşı təşəbbüsdür. Düşünürəm ki, Ukraynanın təmsilçiliyi maksimum yüksək səviyyədə olacaq. Çünki belə layihələrdə iştirak etmək bizim üçün son dərəcə vacibdir”.