Moskvadan Azərbaycan və Rusiya münasibətləri ilə bağlı mühüm açıqlama

“Biz Azərbaycanla strateji tərəfdaşlıq və müttəfiqlik münasibətləri qururuq. Mayın 28-də Azərbaycan Respublikası Müstəqillik Gününü qeyd etdi. Azərbaycanın Moskvadakı səfirliyi tərəfindən təşkil olunmuş rəsmi qəbulda Rusiya Federasiyası xarici işlər nazirinin müavini Mixail Qaluzinin Rusiya-Azərbaycan münasibətlərini ətraflı dəyərləndirdiyini hamımız gördük”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Cənubi Qafqazdakı həyəcanverici vəziyyətə də toxunmaq istəyərəm. Baş verənlər əsasən qərblilərin destruktiv fəaliyyəti ilə bağlıdır. Region ölkələri onların nöqteyi-nəzərindən bir-biri ilə əlaqə yaratmamalı, düşmənçilik etməlidir. Qonşuları iqtisadiyyat, ticarət və ya infrastruktur deyil, bitib-tükənməyən hesablaşmalar maraqlandırmalıdır. Onlara Rusiyanı Cənubi Qafqazdan sıxışdırıb çıxarmaq lazımdır. Bu tendensiyaları hamı görür”, – o qeyd edib.