Moskvaya getməyən Mirzoyandan Rusiya etirafı

“Bəzi məsələlər, o cümlədən Kollektiv Təhlükəsizlik Müqaviləsi Təşkilatının fəaliyyəti və siyasi qiymətləndirmələrlə bağlı Rusiya ilə fikir ayrılıqlarımız var”.

Bunu Ermənistanın xarici işlər naziri Aratat Mirzoyan xorvatiyalı həmkarı Qordan Qrliç-Radmanla birlikdə keçirdiyi mətbuat konfransında deyib.

“İrəvanla Moskva arasında münasibətlərdə böhran yoxdur, Ermənistanla Rusiya arasında müttəfiqlik münasibətləri var, həmçinin çoxlu ikitərəfli və çoxtərəfli sazişlər mövcuddur” deyən nazir bildirib ki, Ermənistan rəsmiləri rusiyalı həmkarları ilə daim təmasdadırlar.