MSK-dan seçkilər barədə vacib açıqlama | Neçə namizəd iştirak edəcək?

“Mərkəzi Seçki Komissiyasının qərarına əsasən, 6 516 567 seçki bülleteni çap olunub”.

Bununla bağlı Mərkəzi Seçki Komissiyasının (MSK) sədr müavini Rövzət Qasımov jurnalistlərə açıqlamasında deyib.

O qeyd edib ki, Azərbaycan Respublikasının Seçki Məcəlləsinə əsasən, Mərkəzi Seçki Komissiyası seçki bülletenləri hazır olduqdan sonra səsvermə gününə 5 gün qalmışadək, yəni avqustun 27-dək seçki bülletenlərini dairə seçki komissiyasına təqdim etməlidir və növbəti mərhələdə səsvermə gününə 3 gün qalmışadək, yəni avqustun 29-na qədər isə bu bülletenlər məntəqə seçki komissiyalarına çatdırılmalıdır.

“Seçki bülletenlərinə 991 namizədin adı daxil edilib. Bu namizədlər arasında istər öz təşəbbüsü ilə prosesə qoşulanlar, istərsə də siyasi partiyaların maraqlarını təmsil edən namizədlər var”, – deyə Rövzət Qasımov bildirib.