Siyasət
Pleyeri seçin:
Müdafiə Nazirliyi Rusiyaya başsağlığı verib
Sentyabrın 20-də Canyataq yaşayış məntəqəsi yaxınlığında Rusiya sülhməramlı kontingentinə məxsus UAZ Patriot avtomobilinin atəşə tutulması nəticəsində sülhməramlı kontingentin hərbi qulluqçularının faciəvi şəkildə həlak olması faktı qeydə alınıb.
Bu barədə Müdafiə Nazirliyi məlumat yayıb. Bildirilib ki, hadisənin bütün baş verməsi səbəblərini araşdırmaq üçün Azərbaycan və Rusiyanın istintaq orqanları ərazidə əməkdaşlıq şəraitində çalışırlar.
“Baş verən hadisədən təəssüf hissi keçirir, Rusiya Müdafiə Nazirliyinin rəhbərliyi, sülhməramlı kontingentin komandanlığı və həlak olan hərbi qulluqçuların ailələri və yaxınlarına dərin hüznlə başsağlığı verir, səbir diləyirik”, – deyə Müdafiə Nazirliyindən bildirilib.
Kopyalandı
Seçilmişlər
