Müstəqilliyimiz 2023-ün 19 sentyabrından başlayır | Köçəryan

“Mülki müqavilə” fraksiyasının sədr müavini Andranik Köçəryanın “Azadlıq” radiosuna müsahibəsi sensasiya doğurub.

Erməni politoloq Suren Surenyants bu müsahibədəki etiraflara diqqət çəkib.

O bildirib ki, A.Köçəryan Nerkin-And yaşayış məntəqəsi yaxınlığındakı mövqelərdən Azərbaycan Ordusunu atəşə tutan, nəticədə Azərbaycan Dövlət Sərhəd Xidmətinin “Qisas əməliyyatı” ilə məhv edilən “Yerkrapa” üzvlərini müdafiə etməyib, əksinə, olaya daha praqmatik və obyektiv yanaşmağa çalışıb.

“Onun açıqlamasından elə təəssürat yaranır ki, o 4 ölən şəxsi tutub, yenidən güllələmək lazımdır. A.Köçəryan dedi ki, bizim müstəqilliyimizin əsl günü 21 sentyabr deyil, 19 sentyabrdır, çünki biz müharibəyə qarışmaqdan yayına bilmişik”, – S.Surenyants vurğulayıb.

Qeyd edək ki, A.Köçəryan 19 sentyabr deyəndə Azərbaycan Ordusunun antiterror əməliyyatını nəzərdə tutub. Başqa sözlə, Ermənistanın bu antiterror əməliyyatına müdaxilə edəcəyi və terrorçulara dəstək verəcəyi halda Ermənistanın dövlət suverenliyini təhlükə gözlədiyini etiraf edib.