Nazirlər Cənubi Qafqazdakı hadisələri müzakirə ediblər

İranın xarici işlər naziri Hüseyn Əmir-Abdullahianla rusiyalı həmkarı Sergey Lavrov arasında telefon danışığı olub.

İranlı diplomat Azərbaycan və Ermənistan arasında davamlı sülh sazişinin əldə edilməsi üçün aparılan danışıqları alqışlayıb.

Telefon danışığı zamanı Cənubi Qafqazda baş verən son hadisələr, əməkdaşlığın və ikitərəfli münasibətlərin hazırkı vəziyyəti, həmçinin regional və beynəlxalq münasibətlərə dair bəzi məsələlər müzakirə olunub.

Bununla yanaşı, dekabrın 25-də Sankt-Peterburqda imzalanmış Avrasiya İqtisadi İttifaqı və İran arasında azad ticarət sazişinə əsaslanan məsələlər barədə danışılıb.