Nikol Paşinyandan sülhlə bağlı vacib açıqlama

“Yetər artıq. Qan tökülməsinə, ölümlərə, itkilərə son deməliyik, Qafqazı daimi sülh, rifah və əməkdaşlıq regionuna çevirməliyik”.

Bunu Ermənistanın Baş naziri Nikol Paşinyan bildirib.

“Bizə aid olmayanlarla məşğul olduğumuz üçün heç bir zaman müstəqil olmadıq, başqalarından asılı olduq, bizim yerimizə başqa ölkələr qərar verdi. Artıq suveren və azad olmaq vaxtıdır. Bunun yeganə yolu isə qonşu dövlətlərlə normal, hesablana bilən, mehriban və əməkdaşlıq yönümlü münasibətlər qurmaqdan keçir.

Biz buradayıq, onlar da daima burada olacaqlar. Bizim gedəcəyimiz başqa yer yoxdur. Bunu anlayaraq bu ölkələr ilə normal münasibət qurmalıyıq”, – N.Paşinyan qeyd edib.