Ölkəni dirçəldən layihə | "Əsrin müqaviləsi"nin tarixi əhəmiyyəti

Hər bir dövlət üçün beynəlxalq müqavilənin hədəfləri olur. “Əsrin müqaviləsi” iqtisadi razılaşma olsa da, adı kimi hələ əsrlərlə Azərbaycanın beynəlxalq siyasi nüfuzunun artmasına xidmət edəcək. Necə ki, hazırkı dövrə qədər bu baş verib.

Siyasi nüfuz, onillərlə uzağı görmək bacarığı hər ölkənin liderinə nəsib olan keyfiyyət deyil. Bu baxımdan “Əsrin müqaviləsi” ilə iqtisadi maraqların siyasi tərəfdaşlığa çevrilməsi düşünülmüş xarici siyasətin göstəricisidir.

Millət vəkili Musa Qasımlı Baku TV-yə açıqlamasında “Əsrin müqaviləsi”nin imzalanmasının Azərbaycanın sonrakı taleyinə əsaslı təsir etdiyini vurğulayıb: “Bu, təkcə iqtisadi deyil, həm də geosiyasi əhəmiyyət daşıyan layihə idi. Bütün təzyiqlərə baxmayaraq, ulu öndər Heydər Əliyev onları rədd edib, tariximizdə ilk dəfə olaraq təbii sərvətimiz olan nefti milli sərvətə çevirdi”.

“Əsrin müqaviləsi” Azərbaycan neftinin xarici bazarlara çıxarılması ilə BTC, TAP və TANAP qaz layihələrinin reallaşmasında təməl oldu. Bununla da Azərbaycan, Avropa ölkələrinin və digər dövlətlərin enerji təhlükəsizliyini təmin etməklə yanaşı, beynəlxalq siyasi miqyasda etibarlı tərəfdaşa çevrildi.